Цус сэлбэлт судлалын үндэсний төвөөс Эрүүл мэндийн байгууллагын эмч, эмнэлгийн мэргэжилтнүүдийг чадавхжуулах ажлын хүрээнд “Цусны аюулгүй байдал, зохистой хэрэглээ” сэдэвт багц цагийн ээлжит сургалтыг 2025 оны 12 дугаар сарын 16-17 ны өдөр зохион байгуулж байна.
Тус сургалтад төрийн болон хувийн хэвшлийн эрүүл мэндийн байгууллагын 45 эмч, эмнэлгийн мэргэжилтэн хамрагдаж байна.
Сургалтаар цус, цусан бүтээгдэхүүний зохистой хэрэглээ, цус сэлбэлтийн аюулгүй байдал, урвал хүндрэлийг хянах, сэргийлэх, цус болон цусан бүтээгдэхүүний хадгалалт, тээвэрлэлт, хүйтэн хэлхээний тогтолцоо, эрүүл мэндийн байгууллагын үүрэг, захиалгатай холбоотой анхаарах асуудлуудын талаар цогц мэдлэг олгож байна.