ЦУСАА БЭЛЭГЛЭХ ҮНДЭСНИЙ ӨДӨР уламжлалт өдөрлөгийг өргөн тэмдэглэв

Шинэ он гараад удаагүй байгаа ч Цус сэлбэлт судлалын үндэсний төв /ЦССҮТ/ хөл хөдөлгөөн ихтэй байна. Ер нь өглөөнөөс хойш цусны донорууд тасралтгүй цуварсаар…

ЦУСАА БЭЛЭГЛЭХ ҮНДЭСНИЙ ӨДӨР өнөөдөр тохиож байгаа болохоор аргагүй биз ээ. Нэг ёсондоо доноруудын хувьд нэгэн тэмдэглэлт баярын өдөр юм. Өөрөөр хэлбэл, жил бүрийн 1 дүгээр сарын 3-ны өдрийг ЦССҮТ-өөс Цусаа бэлэглэх үндэсний өдөр болгон тэмдэглэж байхаар тогтсон бөгөөд өнөөдөр 8 жилдээ амжилттай тэмдэглэн өнгөрүүллээ.

Энэхүү томоохон арга хэмжээний хүрээнд донор Б.Өлзийдэлгэр, Б.Идэрболд, Б.Батнэрэн, А.Батболд нарт ХҮНДЭТ ДОНОР цол тэмдгийг гардуулж алдаршууллаа.

Мөн 100 удаа цусаа бэлэглэсэн донор Ц.Өлзийхишиг, Д.Ган-Очир нарт МӨНГӨН ДОНОР, С.Дарамбазар, Д.Сарантуяа нарт ХҮРЭЛ ДОНОР цол хүртээв.

Мөн НИГҮҮСЭЛ алтан медалиар Ж.Нарантуяа, НИГҮҮСЭЛ мөнгөн медалиар Н.Ганзориг нарыг тус тус шагнаж урамшууллаа.