ЦССҮТ-ийн  нийт ажилтаны ээлжит сургалт  9 дүгээр сарын 23-ны өдөр “Тамхигүй ажлын байр” сэдвийн хүрээнд танхим болон цахим хосолсон хэлбэрээр зохион байгуулагдлаа. ДЭМБ-аас 2021 оныг “Тамхинаас гарахаар шийд” гэсэн уриаг дэлхий даяар зарласан бөгөөд тамхины хор хөнөөлөөс урьдчилан сэргийлэх, тамхигүй ажлын байрыг бий болгох зорилтын хүрээнд тус сургалтыг явууллаа. Сургалтад Оном сангийн үйл ажиллагаа хариуцсан захирал Д.Орхонсэлэнгэ (PhD) “Тамхигүй ирээдүй хөтөлбөрийн танилцуулга” сэдвээр илтгэл тавьж “Smoke free Mongolia” цахим хуудасны талаар мэдээлэл өгсөн бол  НЭМГ-ын харьяа Наркологийн эмнэлэг, их эмч, сэтгэцийн эмгэг судлаач Э.Минжмаа “Тамхинд донтох эмгэгийн үед хийгдэх сэтгэл заслын эмчилгээнүүд” сэдэвт илтгэлийг цахимаар тавьж сонирхолтой сургалт боллоо. Сургалтад нийт 41 эмч, сувилагч, мэргэжилтэн, ажилтан хамрагдаж сэтгэл хангалуун байлаа.