Шинэ коронавирусын халдвараас урьдчилан сэргийлэх арга хэмжээний хүрээнд Засгийн газар, Улсын онцгой комиссын шийдвэрээр өндөржүүлсэн бэлэн байдалд, хөл хорио тогтоосон энэ цаг үед хүмүүний эрүүл мэндийн төлөө тангараг өргөөгүй ч, иргэний үүргээ биелүүлэн, сайн дураа цусаа өгч байгаа донорууддаа талархал илэрхийлье.
Тус төвөөс тогтмол хугацаанд цусаа бэлэглэдэг ачтан донорууддаа талархал илэрхийлэж урамшуулдаг уламжлалтай.
Энэ удаад цус,цусны бүрэлдэхүүн хэсгээ нийт 10 удаа бэлэглэсэн донор Г.Сувд “Бахархал 10”, 20 удаа бэлэглэсэн донор Эрхэмбаяр “Бахархал 20”, нийт 30 удаа бэлэглэсэн донор Д.Энхбат “Бахархал 30” тэмдгээр тус тус шагнаж урамшуулав. Донорын гарын бэлгийг Альфа ХХК дэмжин ивээн тэтгэлээ.

ТАНЫ БЭЛЭГЛЭСЭН 1 УДААГИЙН ЦУС 3 ХҮНИЙ АМЬ НАСЫГ АВАРНА