Коронавируст халдвар /COVID-19/-аас урьдчилан сэргийлэх, бэлэн байдлыг хангах зорилгоор 2020 оны 2 дугаар сарын 13-ны өдрөөс эхлэн өндөржүүлсэн бэлэн байдлыг цуцлах хүртэлх хугацаанд эрүүл мэндийн байгууллагуудыг өндөржүүлсэн бэлэн байдлын зэрэгт шилжүүлэх тухай Эрүүл мэндийн сайдын А/93 тоот тушаал энэ сарын 13-нд гарсан билээ. Уг тушаалыг хэрэгжүүлэх ажлын хүрээнд ЦССҮТ 24 цагийн хариуцлагатай эргүүл томилон ажиллуулж эхлээд байгаа бөгөөд энэхүү үүрэг бүх ажилтанд хамаарах юм.
Хариуцлагатай эргүүлүүд төвөөр үйлчлүүлж буй иргэд, доноруудын биеийн халууныг үзэх, гарыг халдваргүйжүүлэх, халдвараас сэргийлэх зөвлөгөө өгөх, дотоод урсгал хөдөлгөөний зохицуулах зэргээр өндөржүүлсэн бэлэн байдлын үеийн шаардлагын дагуу ажиллаж байна. Дашрамд дурдахад ЦССҮТ-ийн ажилтнууд өөрсдөө нэг удаагийн цаасан маск хийж, амны хаалтгүй ирсэн үйлчлүүлэгчдэд олгож байгаа юм.