ЦССҮТ-ийн эмч, ажилтнууддаа зориулан зохион байгуулдаг ээлжит сургалт боллоо. Энэ удаагийн сургалтаар МУИС-ийн багш, доктор, профессор Д.Батжаргал “Ардын дүрслэлийн хэл” сэдэвт лекц уншиж, Монгол орны нутаг нутгийн хэл, яриа, сэтгэхүйн онцлогийн талаар тайлбарлав. Мөн Б.Ренчин, Чой.Лувсанжав, О.Пүрэв, Д.Пүрэвдорж зэрэг бичгийн их мэргэдийн Монгол хэлний гайхамшигийг илтгэсэн үг сургааль, бүтээл туурвилаас сонирхууллаа.
Профессор Д.Батжаргал сүүлийн жилүүдэд хурдацтайгаар нэвтэрсэн сошиал сүлжээг дагаад Монгол хэлний үгсийн санд сүүдэр тусч буйг бодит жишээн дээр шүүмжилж, төрөлх эх хэлээ язгуур чанараар нь хадгалж үлдэх хэрэгтэйг санууллаа.