Дэлхийн эрүүл мэндийн байгууллагаас жил бүрийн 09 дүгээр сарын 17-ны өдрийг “Үйлчлүүлэгчийн аюулгүй байдлыг хангах дэлхийн өдөр” болгон зарласан бөгөөд 2019 оныг “Үйлчлүүлэгчийн аюулгүй байдлын төлөө дуу хоолойгоо нэгтгэцгээе” уриан дор тэмдэглэн өнгөрүүлж байна.
Энэхүү үйл ажиллагааны хүрээнд ЦССҮТ-ээс үйлчлүүлэгчийн аюулгүй байдлыг хангах чиглэлээр олон талт ажлын төлөвлөгөө баталсан.
Өнөөдөр Стратеги төлөвлөлт, санхүү бүртгэлийн албанаас “Үйлчилгээний ажиллагсад үйл ажиллагаагаа танилцуулах өдөрлөг”-ийг зохион байгуулж, төвөөр үйлчлүүлж буй донор, үйлчлүүлэгчдэд цэвэрлэгээнд хэрэглэгдэж буй материал, халдваргүйжүүлэх бодис, цэвэрлэгээний арга ажиллагаа, эрүүл мэндийн байгууллагын цэвэрлэгээний онцлог, мөрдөн ажиллаж буй тушаал, журам, стандарт ажиллагааны заавруудаа танилцуулж байна. Мөн үйл ажиллагаагаа улам сайжруулах чиглэлээр сэтгэл ханамжийн судалгаа авч байна.
Өдөрлөгийг СТСБА-ны үйлчилгээний ажилтнууд Халдварын сэргийлэлт, хяналтын багтай хамтран зохион байгуулж байгаа юм.