ЦССҮТ-ийн үйл ажиллагааг дэмжин хамтран ажилладаг байгууллага, иргэд олон. Тэдний нэг болох “Туран ворлд” ХХК донорын сургалт, сурталчилгаа, донорын эгнээг өргөжүүлэх, хүмүүнлэгийн үйлсийг дэлгэрүүлэх чиглэлээр ЦССҮТ-тэй олон талт хамтын ажиллагаатай аж ахуйн нэгж юм.
Энэ сарын 11-13-ны өдрүүдэд Азийн цус сэлбэлтийн холбооны XV их хурал Монгол Улсад зохион байгуулагдах буйтай холбогдуулж тус компанийн захирал А.Ерболат ЦССҮТ-д хүрэлцэн ирж төвийн захирал Н.Эрдэнэбаяртай уулзах үеэрээ уг Олон улсын хурлын зохион байгуулалтын ажилд дэмжлэг үзүүлэн, хамтран ажиллахаа илэрхийлэв.