“Эрүүл мэндийн ажилтны нийгмийн хамгааллыг дэмжих сар”-ын хүрээнд ЦССҮТ нийт эмч, ажилтнууддаа зориулж цуврал сургалтыг зохион байгуулж байгаа билээ. Өнөөдөр “Иргэдийн хэрэглээний боловсролын төв”-ийн сургагч багш Ч.Сарантуяа “Ажлын байран дахь хоол зүй болон эрүүл амьдралын дадал зуршил” сэдэвт сургалт хийлээ.
Тэрбээр өглөөний, өдрийн, оройн хоолны шинж чанар ямар байх ёстой болон таргалалтын үндэс суурь, таргалалтаас сэргийлэх талаар сонирхолтой лекц уншлаа. Мөн ундны усны зөв зохистой хэрэглээний тухай олон талын харьцуулсан судалгаатай мэдээлэл хийж, харилцан ярилцлаа.