Монгол Улсын ЦССҮТ-ийн эмч мэргэжилтнүүдийн 10 хүний бүрэлдэхүүнтэй баг ОХУ-ын Бүгд Найрамдах Буриад Улсын Цусны албаны 80 жилийн ойд зориулсан олон улсын Эрдэм шинжилгээний онол практикийн хуралд оролцоод ирлээ.
Уг хуралд ЦССҮТ-ийн захирал Н.Эрдэнэбаяр Монгол улсын Цусны албаны өнөөгийн байдал, цаашдын чиг хандлагын талаар илтгэл хэлэлцүүллээ. Төвийн эмч мэргэжилтнүүд Буриад улсын Цусны төвийн үйл ажиллагаатай танилцсан бөгөөд Буриад улсын Цусны төвийн Ерөнхий эмч Э.М.Бурлаева (Буриадын гавьяат эмч)-тай уулзаж, цаашдын хамтын ажиллагаагаа сайжруулах, бүс нутгийн хэмжээнд хамтран ажиллах талаар ярилцжээ. Түүнчлэн ОХУ-ын Трансфузиологийн нийгэмлэгийн тэргүүн, Москва хотын Пироговийн нэрэмжит мэс заслын үндэсний төвийн эрхлэгч, профессор Е.Б. Жибурттай эмнэлзүйн цус сэлбэлтийн чиглэлээр хамтран ажиллах яриа хэлцэл хийжээ.