Монгол улсын эрүүл мэндийн салбарт Азийн хөгжлийн банкны санхүүжилтээр ЭМСХХ-4,4+, 5 төсөл хөтөлбөрүүд амжилттай хэрэгжиж байна. ЭМСХХ-5 төслийн хэрэгжүүлэгч байгууллага болох ЦССҮТ-ийн үйл ажиллагаатай танилцахаар АХБ-ны Зүүн бүсийн Ерөнхий захирал Эйми Лиун тэргүүтээ төлөөллүүд болон Монгол улс дах Суурин төлөөлөгчийн газрын Эрүүл мэнд, нийгмийн салбарын Ахлах мэргэжилтэн Ж.Алтантуяа нар зочиллоо. Энэхүү үйл ажиллагаанд ЭМЯ-ны Төрийн захиргаа удирдлагын газрын дарга Б.Цогтбаатар, Хөрөнгө оруулалтын хэлтсийн дарга Г.Эрдэмбилэг, Гадаад хамтын ажиллагааны хэлтсийн дарга Ө.Цасчимэг болон тус төвийн удирдлагын багийн гишүүд оролцлоо. ЭМЯ-ны ТЗУГ-ын дарга Б.Цогтбаатар уулзалтыг нээн төслийн хэрэгжилт, ололт амжилт цаашид анхаарах зүйлсийн талаар танилцууллаа. Үүний дараа ЦССҮТ-д уг төслөөр хэрэгжүүлсэн шинэ техник технологи, хүрч буй үр дүнгийн талаар төвийн захирал Н.Эрдэнэбаяр танилцуулж, зочид төлөөлөгчдийн сонирхсон асуултанд хариулт өгөв.

Хаалтын үеэр АХБ-ны Зүүн азийн бүсийн Ерөнхий захирал Эйми Лиун ЦССҮТ-д төслөөр хэрэгжүүлсэн үйл ажиллагаанд сэтгэл хангалуун байгаагаа илэрхийллээ. Түүнчлэн тус төвийн алсын хараа болох цус сэлбэлтийн чиглэлээр Азидаа тэргүүлэгч байгууллагуудын жишигт хүрэхийг хүсч, АХБ-наас хэрэгжүүлж буй төслийн үлгэр жишээ байгууллага болох боломжтой талаар онцгойлон дурдлаа.