ЦССҮТ-д Англи улсын “LIoyd registr” компаниас хийгдсэн магадлан итгэмжлүүлэх нэгдүгээр шатны үнэлгээ амжилттай хийгдэж өндөрлөлөө. Хаалтын хуралдаан дээр тус компаний БНХАУ-ын Шанхай хот дахь төлөөлөгчийн газрын тэргүүлэх аудитор ноён Фанг Зи нэгдүгээр шатны үнэлгээний дүгнэлтийг танилцууллаа. Тэрээр дурьдахдаа:

ЦССҮТ-ийг Чанарын менежментийн тогтолцоог хэрэгжүүлэгч, ISO 9001:2015 стандартыг хангасан хоёрдугаар шатны үнэлгээнд орох эрх бүхий байгууллага болохыг мэдэгдсэн ба хоёрдах шатны үнэлгээ хийгдэх тов болон ерөнхий төлөвлөгөөг танилцуулав.

Уг хуралдаанд  ЦССҮТ-ийн удирдлагын багийн гишүүд болон ЭМЯ-ны эмнэлгийн тусламжийн газрын мэргэжилтэн А.Бархас, ЭМСХХ-5 төслийн Хяналт шинжилгээ үнэлгээ хариуцсан мэргэжилтэн Ш.Оюунбилэг, Төлөвлөлт хүний нөөц хариуцсан мэргэжилтэн Б.Алтанцэцэг, Төслийн менежер Д. Эрдэнэтунгалаг нар хүрэлцэн ирсэн ба анхан шатны үнэлгээний үр дүнгийн талаар нээлттэй хэлэлцэж ярилцлаа.