ЦССҮТ-ийн нийт эмч, ажилтнууддаа зориулан зохион байгуулдаг ээлжит сургалт өнөөдөр тохиолоо. “Хүний хөгжлийн оюуны чадварын төв”-ийн лектор Г.Мөнгөн хувь хүний хөгжил, байгууллагын соёлын талаар өвөрмөц сэдэвтэй лекц уншиж байна.
Туршлагатай илтгэгч залуу олон улсын болон дотоодын жишээн дээр тулгуурласан агуулга, хэлбэрийн хувьд энгийн ойлгомжтой, судалгаатай илтгэл тавьж хамт олны мэдлэгийг шинэ мэдээллээр сэлбэв.
Тэрбээр “Хувь хүний хөгжил зөв хооллолт, цагийн оновчтой менежментээс хамаардаг. Өглөө эрт босох нь хүний хөгжлийн суурь үндэс юм. Ингэхийн тулд зөв зохистой хооллох ёстой. Үүнээс л хүний хөгжил эхэлдэг” гэлээ. Сургалт үргэлжилж байна.