ЦССҮТ-өөс эмч, ажилтнууддаа зориулан зохион байгуулдаг 2019 оны анхны сургалт өнөөдөр боллоо. Төвийн захирал Н.Эрдэнэбаяр 2019 онд ЦССҮТ-ийн ажилтнуудын үүрэгт ажилдаа мөрдөж ажиллах зарчмыг танилцуулахдаа цаг барих, харилцаа, хандлагын талаар илүүтэй онцлов. Мөн 2019 онд байгууллагын зүгээс хэрэгжүүлэх төлөвлөгөөт ажлуудыг амжилттай хийж гүйцэтгэж, зорилго, зорилтоо хангаж ажиллах нь ажилтан нэг бүрээс шалтгаалахыг тэмдэглээд шинэ ондоо илүү амжилт гаргахыг хүсэн ерөөв.\r\nТүүнчлэн төвийн Чанар, цусны сонор сэрэмжийн албаны дарга Т.Алимаа “Үйл ажиллагааны төлөвлөлтөд анхаарах зүйлс”-ийн талаар мэдээлэл хийлээ.\r\nЭнэ үеэр 2018 оны 12 дугаар сарын “Онцлох ажилтан”-аар шалгарсан Донор зохион байгуулалтын тасгийн их эмч Р.Энхтуяагийн шагналыг захирал Н.Эрдэнэбаяр гардуулж баяр хүргэж, амжилт хүслээ.