Өнөөдөр Дэлхийн эмч нарын өдөр тохиож байна. ЦССҮТ энэхүү өдрийн хүрээнд их эмчийн “Тангараг давтах ёслол”-ыг зохион байгууллаа. ЦССҮТ-ийн Чанар, цусны сонор сэрэмжийн албаны дарга, клиникийн профессор, “Алтан чагнуурын эзэн” Т.Алимаа төвийн нийт эмч нартаа баяр хүргэж үг хэлэхдээ “Монгол Улсын эрүүл мэндийн байгууллагад ажиллаж буй 50519 ажилтны 10576 нь их эмч юм. Энэ нь манай салбарт ажиллагсдын 20,9 хувь бөгөөд 5 эрүүл мэндийн ажилтны 1 нь их эмч гэсэн үг.  Ер нь тангараг өргөдөг цөөхөн мэргэжлийн нэг бол эмч. Энэхүү хариуцлагатай, хүнд бэрх, бас нэр хүндтэй мэргэжлийнхээ үнэ цэнийг өндөрт өргөж яваарай” хэмээн онцлов.\r\n\r\nДараа нь ЦССҮТ-ийн эмч нар тангараг давтах ёслол үйлдэж, батламж гардаж авлаа.\r\n\r\n\r\n\r\n