ЦССҮТ-ийн шинэ оны анхны сургалт 4 өдөр үргэлжилж өнөөдөр амжилттай өндөрлөлөө.   “ISO 9001:2015 стандартын баримтжуулсан мэдээлэл” сэдэвт уг сургалтын зорилго ЦССҮТ-ийн бүхий л үйл ажиллагаанд  ДЭМБ-аас өгсөн стратеги, зөвлөмж, Монгол Улсын хууль тогтоомж, ЭМ-ийн сайдын болон төвийн захирлаар батлагдсан журам, заавруудыг ажилтан бүр хэрэгжүүлж гэмээнэ Цусны төвд чанарын тогтолцоо нэвтэрч, улмаар байгууллагын бодлого, үйл ажиллагаа илүү үр дүнд хүрэхийг ойлгуулахад  оршиж буй бөгөөд  бүх алба, тасгуудын  эмч,  ажилтнууд хамрагдлаа.

\r\n

“Эрүүл мэндийн салбарын хөгжил хөтөлбөр-5” төслийн хүрээнд зохиогдсон энэхүү сургалтын үр дүнд ЦССҮТ-ийн нийт эмч, ажилтнууд чанарын менежментийн тогтолцоог хэрэгжүүлэхэд ажилтан бүрийн хүлээх үүрэг хариуцлага, багаар ажиллахын ач холбогдлыг ойлгож, стандартын шаардлагын дагуу боловсруулсан баримт бичиг бүрийг үйл ажиллагаандаа хэрэгжүүлж хэвших мэдлэг чадвар эзэмшсэн юм.

\r\n

Сүүлийн өдрийн сургалтад Улсын 2 дугаар төв эмнэлгийн захирал, АУ-ны доктор Г.Баясгалан оролцож “Чанарын менежментийн тогтолцоог хэрэгжүүлсэн туршлага” сэдэвт сонирхолтой лекц уншлаа.

\r\n\r\n\r\n\r\n\r\n