ЦССҮТ гавьяаныхаа амралтад гарсан ажилтнуудаа сар шинийн болоод Ахмадын баяраар хүлээн авч хүндэтгэл үзүүлдэг. Энэхүү уламжлалт арга хэмжээнийхээ хүрээнд өнөөдөр ахмад ажилтнуудаа байгууллага дээрээ урьж шинэ техник тоног төхөөрөмжүүдээ сонирхууллаа.\r\nЭнэ байгууллагаас ажил, амьдралын гараагаа эхлэн, тэтгэвэрт гартлаа зүтгэсэн ахмад ажилтнууд Цусны албаны нөхцөл байдал, ажлын орчин ахуй, техник тоног төхөөрөмж өөр түвшинд хүрсэнд бахархаж, өөрийн эрхгүй сэтгэл хөдөлж байна гээд залуу ажилтнууддаа ажлын амжилт хүслээ.\r\nАхмадууддаа зориулсан бяцхан цайллага дээр ЦССҮТ-ийн удирдлагууд ахмадуудынхаа санал бодлыг нь сонсч, халуун дулаан яриа өрнүүлэв. Мөн бэлэг дурсгалын зүйл гардуулсан юм.\r\nХүндэтгэлийн арга хэмжээнд ЦССҮТ-ийн захирлаар ажиллаж байсан, Монгол Улсын Эрүүлийг хамгаалахын гавьяат ажилтан Д.Улаанхүү урилгаар хүрэлцэн ирж оролцлоо.

\r\n