Монгол Улсын Эрүүл мэндийн яам АНУ-ын Өвчний хяналт, сэргийлэлтийн төвтэй хамтран ажиллах гэрээ байгуулсан билээ. Энэ хүрээнд АНУ-ын Өвчний хяналт, сэргийлэлтийн төвийн мэргэжилтнүүд 9 дүгээр сарын 11-ний өдрөөс Монгол Улсад ажиллаж байгаа бөгөөд энэ удаад “Цочмог гепатитийн С вируст халдварын эмнэлгийн тусламж, үйлчилгээтэй холбоотой дамжих эрсдлийн үнэлгээ” хийж байна. Хөтөлбөрийн дагуу ЦССҮТ-д ажиллаж холбогдох эмч мэргэжилтнүүдтэй уулзалт ярилцлага хийлээ. ЦССҮТ-ийн захирал Н.Эрдэнэбаяр Цусны албаны үйл ажиллагаа, цусны аюулгүй байдал, ялангуяа цус сэлбэлтээр дамжих халдвараас сэргийлэх чиглэлээр хэрэгжсэн төрийн бодлого, ЭМЯ болон тус төвөөс авч хэрэгжүүлж буй үйл ажиллагааг дэлгэрэнгүй тайлбарлаж сонирхсон асуултад хариуллаа.\r\nАНУ-ын өвчний хяналт, сэргийлэлтийн төвийн мэргэжилтнүүд цусны аюулгүй байдлын талаар авч хэрэгжүүлж буй үйл ажиллагаанд сэтгэл хангалуун байгаагаа илэрхийлэв.\r\n\r\n\r\n\r\n