\r\n\r\n\r\n\r\n\r\n\r\n “Эрүүл мэндийн салбарын хөгжил, хөтөлбөр-5” төслийн хүрээнд ”Цус, цусан бүтээгдэхүүний эмнэлзүйн зохистой хэрэглээ” сэдэвт сургагч багш бэлтгэх гуравдахь удаагийн сургалт ЦССҮТ-д өнөөдөр буюу 2017оны 6 дугаар сарын 19-нд эхэллээ. Гурван өдөр үргэлжлэх уг сургалтад 21 аймгийн Бүсийн оношилгоо эмчилгээний төв, Нэгдсэн эмнэлгийн Цус сэлбэлтийг зохицуулах зөвлөлийн эмч мэргэжилтнүүд хамрагдаж байна. Эмнэлгийн байгууллагын удирдлага, эмч, мэргэжилтнүүд болоод Цусны албаны эмч, мэргэжилтнүүдэд цус, цусан бүтээгдэхүүний зохистой хэрэглээний талаар мэдлэг олгож, зохистой хэрэглээг төлөвшүүлэх, баримтжуулалт, хяналтын тогтолцоог хөгжүүлэх, сайжруулах, ур чадвар, дадлыг олгоход сургалтын гол зорилго оршиж буй бөгөөд номын дуу сонссон эмч, мэргэжилтнүүд сургалтаар олж авсан мэдлэгийнхээ хүрээнд өөрийн ажиллаж буй эмнэлэгтээ дээрх сургалтыг зохион байгуулж, эмнэлзүйн зохистой хэрэглээг хэвшүүлэх юм. \r\n\r\nД. Дорж