Коронавирусын халдвараас урьдчилан сэргийлэх арга хэмжээний хүрээнд хөл хорио тогтоосон билээ. Энэхүү үүсээд буй онцгой нөхцөл байдалтай холбогдуулж ЦССҮТ нийт албан байгууллага, иргэддээ хандаж цусаа өгөхийг уриалсан юм. Бусдын амь нас, эрүүл мэндийг сайжруулах энэхүү хүмүүнлэгийн уриа дуудлагыг төрийн болон төрийн бус байгууллагууд, идэвхтэн донорууд сонсч, цусаа бэлэглэх аянд нэгдсээр байна. Тухайлбал, өнөөдөр СБД-ийн Улаан загалмай хороо, СБД-ийн ИТХ, Засаг даргын Тамгын газрын хамт олон хамтран цусаа бэлэглэн сайн үйлсийн аянд нэгдлээ.