“Дусал цус-Дүүрэн амьдрал аян энэ сарын 9-ний өдрөөс эхлэн АШУҮИС-ийн бүрэлдэхүүний сургуулиуд дээр 7 хоног амжилттай зохион байгуулагдлаа. Энэ удаагийн аянд 1190 гаруй оюутан залуус, эрдэмтэн багш, эмч мэргэжилтэн, ажилтан оролцож, 996 нэгж цус хандивлан авлагагүй, сайн дурын цусны донорын эгнээг өргөжүүлэх, цус, цусан бүтээгдэхүүний өсөн нэмэгдэж буй хэрэгцээг хангах, байнгын нөөцийг бүрдүүлэхэд онцгой үүрэг гүйцэтгэлээ. 3000 орчим эрдэнэт хүний алтан амийг аврах, амьдралын чанарыг сайжруулах хүмүүнлэг, энэрэнгүй үйлс бүтээсэн АШУҮИС-ийн нийт хамт олонд чин сэтгэлийн талархал илэрхийлж, эрдэм шинжилгээ, судалгааны ажил, сурч мэдэх их үйлсэд нь амжилт хүсье. Сайн үйлс бүхэн дэлгэрэх болтугай.