ЦССҮТ-өөс нийт эмч, ажилтныхаа эрүүл мэнд, ажлын бүтээмжид онцгойлон анхаарал хандуулж ажилладаг бөгөөд төрөл бүрийн сургалтыг тасралтгүй зохион байгуулдаг билээ. Өнөөдөр “Стресс менежмент” сэдэвт 2020 оны эхний сургалт болов. Энэхүү сургалтын хүрээнд төвийн “Тайвшралыг эндээс” булангийн албан ёсны нээлтийг хийлээ. Ажилтнуудынхаа алжаал ядаргааг тайлж, сэтгэлийн тогтворгүй байдлыг засах үүднээс энэхүү буланг тохижуулаад байсан юм. Мөн Чийрэгжүүлэлтийн танхимыг шинэ төхөөрөмжөөр нэмж тохижуулсан нь ажилтнуудын талархалыг хүлээлээ. Тухайлбал, 6 ширхэг спийнинг дугуй шинээр нэмж суурилуулан, эмч ажиллагсад идэвхтэй дасгал хөдөлгөөнд хамрагдан, спортоор хичээллэж байна.