2019 оны 12 дугаар сарын 23-нд ЦССҮТ-ийн тайлангийн хурал боллоо. Төвийн захирал Н.Эрдэнэбаяр 2019 оны үндсэн үйл ажиллагааны төлөвлөгөөний биелэлтийг танилцуулж, улирч буй оны ололт амжилт, алдаа дутагдлыг дүгнэснээс гадна нийт эмч, ажилтнуудынхаа санал бодлыг сонслоо. Тэрбээр мөн “ЦССҮТ Олон улсын 3 стандартыг хэрэгжүүлсэн эрүүл мэндийн анхны байгууллага болсон нь бид бүхний хамтын том амжилт. Гагцхүү стандартаа тогтвортой хадгалж, байнга сайжруулж явах нь илүү өргөн ойлголт. 2019 онд манай хамт олон магадлах аудитаар өндөр үнэлгээ авсан нь стандартаа хадгалж байгаагийн нотолгоо юм. Цаашдаа ч хүрсэн амжилтаа байнга бататгаж стандартаа хадгалж явах нь бидний үүрэг, зорилт юм шүү. Үүнд ажилтан нэг бүрийн оролцоо чухал гэдгийг байнга санаж ажиллах ёстой” гэлээ.
Тайлангийн хурлын хүрээнд 2019 онд ажил, хөдөлмөрөөрөө хамт олноо хошуучилсан Оны шилдэг ажилтнуудаа шагнаж урамшууллаа.
Оны шилдэг тасаг: Донор зохион байгуулалтын тасаг
Оны шилдэг баг: ХЭМАБ-ын зөвлөл
Оны шилдэг ажилтан: Т.Алимаа, Н.Халиун, Э.Золбоо
Оны шилдэг судлаач: Э.Тунгалагтуяа
Захирлын нэрэмжит шагнал: М.Цэрэндэжид, Л.Өлзийбаяр
Эрүүл мэндийн яамны Жуух бичиг: Д.Энхсүрэн
Б.Батбаяр: Автотээврийн тэргүүний ажилтан
Д.Батхүү: Онц тээвэрчин
Нийслэлийн Засаг дарга бөгөөд Улаанбаатар хотын захирагчийн Жуух бичиг: Б.Мөнгөнтуул
Нийслэлийн тэргүүний ажилтан: М.Цэрэндэжид, Б.Долгормаа
МУЗН-ийн “Нигүүсэл” алтан медаль: Т.Хараабаясгалан, Ч.Эрдэнэтуяа, “Нигүүсэл” мөнгөн медаль: Б.Ганцэцэг
МЗХ-ны Тэргүүний залуу алтан медаль: Э.Отгонжаргал
МЗХ-ны Хөдөлмөрийн алдар: Н.Батцэрэн, О.Өнөрбилэг, З.Урангоо, Х.Чулуунцэцэг