ЦССҮТ-ийн Нийгмийн ажилтан Д.Дулмаа, Олон нийттэй харилцах менежер Ж.Энхбат нар сайн дурын авлагагүй донорын эгнээг өргөжүүлэх чиглэлээр сургагч багш бэлтгэж сайн дурын идэвхтнүүдийг чадавхжуулах сургалтыг МУЗН-ийн хүүхэд, залуучуудын төвд зохион байгууллаа. Энэхүү сургалтад МУЗН-ийн аймаг орон нутаг дахь аргазүйч, сайн дурын идэвхтэн нийт 40 хүн хамрагдсан юм. Мөн нийслэлийн 9 дүүргийн МУЗН-ийн аргазүйч, сайн дурын идэвхтэн нийт 35 хүнд хоёр өдрийн сургалт зохион байгуулж гэрчилгээ олголоо. Сургалтын төгсгөлд МУЗН-т олон жил үр бүтээлтэй ажиллаж байгаа Баянгол дүүргийн аргазүйч Энх-Оюуныг Цусны албаны Хүндэт тэмдгээр шагнаж, алдаршуулсан юм.
Энэхүү сургалт 2019 оны 12 дугаар сарын 6-нд ЦССҮТ дээр үргэлжилж Монголын донорын холбооны сайн дурын идэвхтэн 20 хүн хамрагдаж гэрчилгээгээ гардаж авлаа. Уг сургалт жил болгон зохиогддог уламжлалт ажлын нэг билээ.