“Цусны албаны хөгжил ба технологийн шинэчлэл” сэдэвт эрдэм шинжилгээний бага хурал ЦССҮТ-д амжилттай болж өндөрлөө. ЦССҮТ-ийн Чанар, цусны сонор сэрэмжийн албаны дарга Т.Алимаа “Цус сэлбэлтээр дамждаг халдвар илрүүлэх чанарын гадаад үнэлгээний хөтөлбөрийн хэрэгжүүлсэн дүн”, Донор зохион байгуулалтын тасгийн эмч Э.Цогцэцэг “Гепатит В-ийн товлолын дархлаажуулалтад хамрагдсан болон хамрагдаагүй цусны доноруудын дунд HBsAg-ны илрэлийг харьцуулан судалсан дүн”, Нэгдсэн лабораторийн тасгийн лаборант Д.Энхсүрэн “2015-2017 онд Улаанбаатар хот дахь цусны доноруудын дундах цус сэлбэлтээр дамжих халдварын тархалт” сэдэвт итгэлүүдийг тус тус тавьж хэлэлцүүлсэн бол Говь-Алтай аймгийн Цусны салбар төвийн эрхлэгч, эмч П.Лхагвасүрэн “Говь-Алтай аймагт 2016-2017 онд цус, цус бүтээгдэхүүнийг эмнэлзүйд хэрэглэсэн байдал” сэдэвт илтгэл тавьж, асуултад хариулсан юм.

\r\n

Ханан илтгэлийн төрөлд: Хөвсгөл аймгийн Цусны салбар төвийн эрхлэгч М.Батсайхан “Цусны АВО бүлэг ба гепатитын В болон С вирусийн хамаарал” сэдэвт илтгэл тавьсан бол Өмнөговь аймгийн Цусны салбар төвийн эрхлэгч, эмч Д.Туул “Өмнөговь аймгийн Цусны салбар төвийн 2012-2017 оны цус цуглуулалтын бүтцийн судалгаа” сэдэвт илгэлээ ирүүлснийг хэлэлцсэн.

\r\n

Дүн гарахад ЦССҮТ-ийн Нэгдсэн лабораторийн лаборант Д.Энхсүрэнгийн тавьсан илтгэл шилдгээр шалгарсан юм. Шүүгчээр ажилласан АШУИС-ийн багш, доктор Ц.Алтансүхэд ЦССҮТ-ийн зүгээс “Талархал” гардууллаа.

\r\n

Т.Алимаа

\r\n

\r\n

Э.Цогцэцэг

\r\n

\r\n

П.Лхагвасүрэн

\r\n

\r\n

Д.Энхсүрэн

\r\n

\r\n

Доктор Ц.Алтансүхэд Талархал гардуулав

\r\n

\r\n

М.Батсайхан ханан илтгэлээ сонирхуулж байгаа нь

\r\n