ЦССҮТ-өөс “Цахим төв” төслийг хэрэгжүүлж байгаа бөгөөд 2017 оны 5 дугаар сарын 30-нд анх удаа Цусны албаны Үндэсний семинарыг цахим хэлбэрээр амжилттай зохион байгуулсан юм.\r\nЭнэ оны Цахим семинар өнөөдөр ЦССҮТ-д болж байна. Цусны салбар төвүүдийн 2018 оны эхний хагас жилийн үйл ажиллагааны төлөвлөгөөний хэрэгжилтийг хэлэлцэх зорилготой уг “Цахим семинар”-т ЦССҮТ-ийн албаны дарга, тасгийн эрхлэгчид болон 21 аймаг дахь 26 Цусны салбар төвийн эрхлэгч, эмч, тусгай мэргэжилтнүүд оролцож өнгөрөгч хагас жилийн хугацаанд хийж хэрэгжүүлсэн ажлуудаа танилцуулж байна.\r\nЦусны албаны семинар зөвлөгөөнийг орчин үеийн техник технологийн давуу талыг ашиглаж цахим хэлбэрээр зохион байгуулах нь цаг хугацаа, зардал мөнгөнд хэмнэлттэй дэвшилтэт арга гэж ЦССҮТ үзэж байгаа юм.\r\n\r\n\r\n\r\n