“Сар бүрийн 3-Цусаа бэлэглэх өдөр” уламжлалт арга хэмжээг төрийн болон төрийн бус байгууллагууд идэвхтэй дэмжиж хамтран ажилладаг юм.  Тэдний нэг бол Шүүхийн шийдвэр гүйцэтгэх ерөнхий газар, түүний харьяа байгууллагууд.

\r\n

Өнөөдөр тохиосон уг ээлжит арга хэмжээг ШШГЕГ-ын харьяа 429 дүгээр анги ЦССҮТ-тэй хамтран тэмдэглэж, 40 гаруй албан хаагч нь цусаа бэлэглэлээ. Тус ангийн захирагч бөгөөд Төрөлжсөн мэргэшлийн эмнэлгийн дарга, хурандаа Б.Лхагважав “Манай ангийн хамт олон ЦССҮТ-ийн үйл ажиллагааг дэмжиж цусаа бэлэглэх хүмүүнлэгийн үйлст хамтран ажиллах уриалга гаргасан юм. Цаашид ч сайн үйлсийг дэмжин ажиллах болно”гэлээ.

\r\n

Үйл ажиллагааны хүрээнд  донор Б.Түмэнжаргалыг “Мөнгөн донор”, донор Ш.Цогтхишигийг “Хүрэл донор”-оор тус тус өргөмжилж, “Бахархал -10” тэмдгээр донор Б.Ганпүрэв, “Бахархал-20” тэмдгээр донор Ж.Намжилмаа, “Бахархал-30” тэмдгээр донор Д.Эрдэнэбат нарын тус тус шагнаж урамшуулав.

\r\n

\r\n

\r\n

\r\n

\r\n

\r\n