ЭМ-ийн сайдын тушаалаар 2017 оныг Нийгмийн эрүүл мэндийг дэмжих жил болгосны дагуу ЦССҮТ “Эрүүл төв” хөтөлбөрийг хэрэгжүүлж байгаа бөгөөд уг хөтөлбөрийн хүрээнд 2017 оны 9 дүгээр сарын 22-23-нд байгууллагын нийт ажилтнуудын (8 баг) дунд гурван төрөлт тэмцээнийг амжилттай зохион байгууллаа.\r\nТеннис: Эрэгтэйчүүдийн төрөлд Стратеги төлөвлөлт, санхүү бүртгэлийн албаны дарга Ч.Батболд нэгдүгээр байр эзэлсэн бол Донор зохицуулалтын тасгийн эрхлэгч Д.Наранхүү удааллаа. Харин эмэгтэйчүүдийн төрөлд ариутгагч Д.Бүдханд тэргүүлж, Г.Одончимэг “аман хүзүүдэв”.\r\nСагсан бөмбөг: Б.Эрдэнэбат ахлагчтай баг нэгдүгээр байрт шалгарч, М.Мөнхдалай ахлагчтай баг хоёрдугаар байр эзэлсэн юм.\r\nГар бөмбөг: Ё.Улсболд ахлагчтай баг аваргалсан бол М.Мөнхдалайн баг мөнгөн медалийн болзол хангалаа.\r\nШагналын хувьд энэ удаад нэлээд өвөрмөц шийдлийг сонгожээ. Нийт дүн гарсны дараа тэргүүлсэн багийн гишүүдийн дунд сугалаа явуулж хоёр азтанг БНХАУ-ын Манжуур хотод аялах эрхийн бичгээр шагнав. Тэр азтан нь залуу ажилтан О.Солонго, М.Мөнхдалай нар байлаа.

\r\n