ЦССҮТ-ийн явуулын эмч нарын баг өнөөдөр буюу 2017 оны 8-р сарын 21-нд Зэвсэгт хүчний 326 дугаар ангид ажиллалаа. Энэ үеэр 100 цэргийн албан хаагч цусаа бэлэглэсэн юм. Дашрамд дурдахад ЦССҮТ-ийн үйл ажиллагааг цагдаагийн албаныхан дэмжсэнээр 2015 оноос эхэлж жил бүр “Халуун цуст цагдаа” аянг зохион байгуулах болсон билээ. Энэ сарын 21-31-ны хооронд зохиогдох уг аянд Нийслэлийн цагдаагийн газраас гадна Хан-Уул, Чингэлтэй, Баянзүрх, Баянгол, Сүхбаатар, Сонгинохайрхан дүүргийн Цагдаагийн хэлтсийн бие бүрэлдэхүүн хамрагдана.\r\n\r\n