Коронавирусын халдвараас урьдчилан сэргийлэх арга хэмжээний хүрээнд хөл хорио тогтоосон билээ. Энэхүү үүсээд буй онцгой нөхцөл байдалтай холбогдуулж ЦССҮТ нийт албан байгууллага, иргэддээ хандаж цусаа өгөхийг уриалсан юм. Бусдын амь нас, эрүүл мэндийг авран хамгаалах энэхүү хүмүүнлэгийн уриа дуудлагыг төрийн болон төрийн бус байгууллагууд, идэвхтэн донорууд сонсч, цусаа бэлэглэх аянд нэгдсээр байна. Тухайлбал, өнөөдөр Ховд аймгийн төвийн Ерөнхий боловсролын сургуулийн 1997 оны төгсөгчдийн төлөөлөл ЦССҮТ-д хүрэлцэн ирж цусаа бэлэглэлээ.