Нийслэл хот байгуулагдсаны 380 жилийг ойг тохиолдуулан нийслэлийн Засаг даргын Тамгын газраас хүний амь нас, эрүүл мэндийг авран хамгаалах их үйлст үнэтэй хувь нэмрээ оруулж буй “Хүндэт донор”-уудыг нийслэлийн Засаг дарга бөгөөд Улаанбаатар хотын захирагчийн “Жуух бичиг”-ээр шагнаж урамшуулсан билээ.
Уг шагналыг эрхэм хүндтэй донорууддаа гардуулж, баяр хүргэх ёслол ЦССҮТ-д боллоо. Энэхүү нэр хүндтэй шагналын эзэд бол “Хүндэт донор” Б.Мөнхбаатар, Н.Баасандамба, С.Лувсансамбуу, Р.Ариун-Эрдэнэ, С.Бямбацогт, Ц.Мөнхбаатар, Р.Чинзориг, Р.Энхтуяа, Ц.Өлзийхишиг нар юм. Дашрамд дурдахад “Хүндэт донор” Р.Энхтуяа нь ЦССҮТ-ийн ДЗБТ-ийн их эмчээр, “Хүндэт донор” Ц.Өлзийхишиг нь төвийн СТСБА-ны үйлчилгээний ажилтнаар олон жил үр бүтээлтэй ажиллаж байгаа шилдэг ажилтнууд юм.